PRAEPARARE alterum

PRAEPARARE alterum

apud Recentiores, dictus olim est ist, qui cum facultates sat amplas non possideret, ut ipsemet in hostem pergere posset, similis sortis ac conditionis viros pro virili in armis ac instructu bellico adiuvabat. Capitulare ann. 807. edit. Baluzianae, c. 2. Ubicumque autem inventi fuerint duo, quorum unus quisque duos mansos habere videtur, unus alium praeparare faciat et qui melius ex ipsis potuerit, in hostem veniat, etc. Quo pertinet Capitular. 1. anni 812. c. 1. Qui vero tres mansos de proprio habuerit, huic adiungatur unus, qui unum mansum habeat et det illi adiutorium, ut ille pro ambobus ire possit etc. apud Car. du Fresne. Aliter sumitur vox Praeparatio apud Hariulfum, l. 3. c. 3. Praeparatio unius baculi e crystallo etc. Hic enim ornamentum denotare videtur: cum hodieque parer Gallis, ornare sit. At Praeparatorium, in Ecclesia romana, idem quod Aspaticum, mansio est seu diversorium Templo contiguum, seu sacrarium, in quo Episcopus sacris indumentis vestiebatur pro sollennibus celebrationibus, ibique a Clericis obsequiô et manuum suarum osculatione salutabatur; hinc Salutatorium quoque Latinis et ex Graecis ἀσπάζεςθαι, Aspaticum

dictum. Quia vero in eadem mansione Peregrini hospitabantur, etiam metatorium appellatum est: sic Aspaticum, Metatorium, Praeparatorium synonyma, promiscue Sacrarium significant, in quo instrumenta ad sacra conficienda et ipse celebrans ad rite celebrandum praeparantur: Graeci Diaconicon

dixêre, vide suis locis: et plura hanc in rem, apud Macros Fratres Hierolex.